جامعة

Strawberry_55445 🇪🇬

منذ يوم واحد

شعور سعيد

موضوع:

ثانوية عامة غيرت فيك ايه؟

انا كان عندي لا مبالاة بالسنة ديه عجيبة كنت بعاملها سنة زي اي سنة تانية و مش مديها حجمها عشان متخدش مني كتير ندمت شوية بعد كده بسبب اني كنت شاطر بس الحمد لله عوضت في حياتي الأكاديمية و كنت سوي نفسياً جدا في التعامل في الجامعة مش عارف ده صح ولا غلط لحد دلوقتي

Coffee_55645 🇪🇬 دا صح جدا طبعا وربنا يوفقك واستمر ف هدوءك واعمل العليك دا المهم جنب قربك من ربنا

عرض الكل 1 نصيحة

Apple_55121 🇪🇬

منذ 4 أيام

شعور مكسور القلب

أنا كنت مرتبط ببنت في الجامعه وكانت بتحبني لدرجه محدش يتخيلها بس أنا مكنتش بحبها واعدنا كده سنه و أنا استغليت حبها ليا و حصل بنا علاقه مش كامله بس كنا سوا في الاوضه و بعدها سبت الجامعه و روحت جامعه جديده و سبتها و طبعا مكناش بنتكلم بس بعد فطره حسيت اني مفتقدها و شويه شويه بدأت احس اني بحبها بس فضلت

Avocado_51186 🇧🇭 هي المشكلة هنا هل هتقدر تكمل حياتك معاها وانت عارف انها عملت علاقه مع واحد من اصحابك وبعدين لو اتجوزتها وحصلت مشكله بينكم هل هتعايرها انها عملت معاك ومع غيرك علاقه .. عموما فكر في الحاجات دي كلها قبل ما تظلمها معاك ولو الموضوع مش هيفرق معاك اتقدم طبعا تاني واتمسك بيها واوعي تفرط فيها وربنا يصلحلك الحال ويوفقك

عرض الكل 3 نصيحة

Tofu_19483 🇪🇬

منذ أسبوع واحد

شعور محبط

قاعده بذاكر tumors بس أنا مريضة كانسر..بالله ازاي أتخطى! هاين عليا مذاكرش بجد بس لولا الامتحان! عماله أذاكر وأعيط ف نفس الوقت! لوهله كل حاجه تعبتني جت ف بالي وأنا بذاكر الكيماوي والعمليه وبهدلتي ف العيادات والمستشفيات وبهدلتي ف الفحوصات والشكشكه يارب الكانسر يموت نفسي أعمل اسكيب بجد ومش عارفه ادعو

French Fries_52811 🇪🇬

منذ أسبوعين

شعور متعب

عبّر عن شعورك بشكل مجهول

بتواجهني مشكله كبيره جدا اني مش بعرف اعبر عن مشاعري خالص بسبب احداث حصلتلي وانا صغير عملتلي زي تروما كدا مخلياني مش بقدر احكي الي جوايا او بخاف احكيه احسن اخسره 
ف المهم ف الجامعه قعدت تلت سنين بحب ف بنت هي كانت جميله جداااااااااا وملامحه قمر وعيونها خضرا كدا والاهم من دا انها كانت محترمه جدا جدا جدا ف دا حببني فيها اكتر واكتر مع الوقت انا عمال احبها اكتر وهي الصراحه كانت بتتعامل معايا عادي يعني ماكنتش مميزاني زي ما انا مميزها مثلا بس ف علشان اني اعترفلها بمشاعري ليها او اقولها اني بحبك مقدرتش اعمل كدا معرفش خوفت من اي خوفت اخسرها مثلا ؟ او كنت خايف ان مايكنش دا الوقت المناسب مثلا ؟؟
معرفش الحقيقه بس الي انا عارفه اني كنت خايفها تبعد عني او ترفضني ف معترفتش بحبي وعلشان برضو هي ماكنتش مدياني الفرصه اني اعترفلها ب مشاعري يعني اوقات تتعامل كانها مش شيفاني واوقات كانت تهتم بيا وتسال عليا لحد ما جه اليوم المشئوم منزله علي الاستوري خطوبتها 💔 
المشكله بقي مش هنا عمتا ربنا يسهلها حالها ويكون معاها المشكله انا نفسي اقدر اعبر عن مشاعري نفسي او اقدر يكون عندي الشجاعه اني اعبر عنه مش شرط مشاعر حب دا لو عيد ميلاد وحد عملي مفاجئه مش بعرف ابين اني مبسوط لو حد ميت مش بعرف ابين اني زعلان انا مش عارف اعمل حاجه محتاج نصيحتكم بجد علشان تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_34778 🇪🇬

منذ أسبوعين

شعور مرتبك

جماعة انا عايز اتحوز البنت الي بحبها بس اخوها معايا فالكلية واصغر مني بسنة واتعاملنا مع بعض مره او اتنين وعمدنا صحاب مشتركين, افاتحه فالموضوع ازاي منغير مايقتلني شوفولي حل ارجوكم مع العلم اني فرابعة جامعة وهي ف٢ث والفرق مابينا ٦ سنين

Hazelnut_52786 🇪🇬 عزيزي . فكر جيدا . وثم صارح اخوها بمنتهي الهدوء . وكلمو انك داخل جد في موضوع الزواج . الصراحه والطريق المباشر اهم حاجه . ولكن ايضا عندي لك نصيحه اخرى . خلص كليتك . واتقدم افضل . لانك بتبني مستقبلك . واتمني لك النجاح والتوفيق في كل خطوة 👍

عرض الكل 6 نصيحة

Carrot_41739 🇪🇬

منذ شهر واحد

شعور خجول

عاوز اشتغل عشان الاقي نفسي مش عشان الفلوس خالص بدل القعده الملهاش لزمه دي الكلها ملل نزلت قبل كده دورت على شغل بس طبعا ما لقيتش فلو حد عنده تجربه او عنده شغل او عنده نصيحه يفيدني انا في جامعة مش صغير يعني

Watermelon_40359 🇪🇬

منذ 4 أشهر

شعور متعب

عبّر عن شعورك بشكل مجهول

جماعة محتاجة رايكم في موضوع، عندي اقرب صاحبة ليا حصل بينا خناقة بسبب دراسة انا وهي في نفس الجامعة ونفس الكلية وحصلنا احنا الاتنين دروبات في سنة اولي وشيلنا مواد، اختصار للخناقة انها مش عايزة نقرب من بعض ولا نخرج ونتكلم كتير زي الاول تاني عشان اللي حصلنا ميتكررش انا اتضايقت في البداية انها شايفة اني السبب بس في النهاية قولت معاها حق وخصوصا ان الموضوع دا كان مأثر علي نفسيتنا احنا الاتنين بس مع الوقت بقت تقصر اللي بينا ب اي طريقة واحس انها مش حابة وجودي دا غير ان وقتها دخلت فجأة اني بغير و حد بيضغطها تكلمني وتصالحني لما نتخانق *ملحوظة ان دا عمره ما حصل لان هي من النوع الكتوم ولما تضايق وتزعل مني بتسكت كتير وبتطول هو دا طبعها فعلا وانا متعودة عليه مش بيضايقني وفضلنا قبل كداشهرين مش بنتكلم بسبب موضوع تافهه عشان بس اديها مساحتها وتكون براحتها وسيبها لحد ما هي تتكلم بس ساعتها الموضوع طول اوي اوفر ف فضلت اسبوع تقريبا اتكلم كتير معرفش هي مسكت في الاسبوع وسابت الشهرين وبقيت حد مش مريح ليها انا برضو عذرتها لان وقتها كانت شايلة مادة وانا مكنتش اعرف ودا كان سبب كلامي الكتير ان عايزك اطمن عليها وهي مكانتش بترد المهم عدي كل دا ولما بدأنا في السنة الجديدة وبقيت احس انها بتقصر اللي بينا بعتلها اني متضايقة واني حاسة انها مش حابة وجودي وانها بتفضل مع بنات تانين ردت بموضوع الغيرة وانهم صحاب جامعة عادي ومش بتخرج مع حد فيهم زيي وانها مش فاهمة ليه انا عايزة كل حاجة نتكلم فيها وانا دا مكنش قصدي من كلامي وفضلت افهمها اتجاهلت مسدجاتي، انا اتضايقت انها بتتجاهلني وانا جاية اعاتبها بالسلوب حلو وبقولها انها غالية عليا وبتكلم عشان منشلش من بعض فقالتلي انا مش بتجاهل بس احنا اتكلمنا في دا قبل كدا ومش عايزة اتكلم فيه تاني، والمفروض دا غير دا انا قصدي انها مش حابة وجودي اصلا المهم فضلت برضو اعاتب فيها وعدي وقت كتير مش بنتكلم وقفتها من اسبوعين كدا بقولها انا مش عايزة اخسرك قالتلي طيب نخلص امتحانات ونشوف الموضوع دا بعدين ، خلصنا ونتايجنا طلعت وبعتلها عملتي ايه مردتش وبعدين عرفت انها نجحت من واحدة تانية فدخلتلها برضو ان مش عايزة اخسرك ولا عايزة اتكلم في اي حاجة تاني بس هوضح كام حاجة وبتكلم واعاتب وهي برضو مش بترد خالص يعني شوفو بتكلم وابعت بقالي قد ايه وهي كل دا بتشوف ومش بترد انا في الاول قولت عشان طبعها وهي متضايقة بس ياجماعة م انا كمان متضايقة وهي مش مهتمة بس برضو انا عارفاها كويس لو عايزة تقطع معايا وكلامي مضايقها كانا عملت بلوك من زمان بس سكوتها اوفر اوي فمش فاهمة هي عايزة ايه بالظبط ومش عارفة اتعامل معاها ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_40578 🇪🇬

منذ 6 أشهر

شعور آسف

اقرب صاحبه ليا ف الجامعه دايما بتحسسنى ان اختها لكن هى ليها صاحبه تانيه اقرب منة وده مش مزعلنى بجد مبحبش ادخل ف حياه حد كل واحد حر بس بجد عشان هى مسافره مش معاها حاليا بحس نفسى استبن جمبها بتحاول تقضى معايا وقت عشان هى مش موجوده ومثلا بتقعد تقول بحبك واختى والكلام ده لو عملت منشن ليها على بوست ثحاب

Pineapple_30838 🇪🇬

منذ 7 أشهر

شعور قلق

Potato_27813 🇪🇬 ألبسي نضاره شمس رايقه و تجاهليه بشكل الحقيقي اللي هو مش تقعدي تبصي بعيد و متبصيش عليه خالص لا عادي بصي عليه بس حاولي علي قد ما تقدري تبصي بشكل اقل زي اي حد بيبص عادي بعد ما تعملي كده احتمال يحاول يزودها عشان يشد انتباهك اكتر بكل طريقه ممكن في طريقه منهم هيكون مبالغ فيها اول ما تحصل اتخانقي معه و اشتكيه في الجامعه و كبري الموضوع في الوقت ده هكمل

عرض الكل 13 نصيحة

عبّر عن شعورك بشكل مجهول

انا بكتب الكلام دا هنا عشان فعلا مش لاقيه حد اشاركه اللي حاسه به 
في واحد معايا في الجامعه مفكرني معجبة به عشان انا كنت ببصله بس الفكرة اني فعلا كنت ببص له بس مش عشان انا معجبه أو بفكر فيه لا هو كان واحدة صاحبتي كلمتني عنه قبله كدا كذا مرة لانه كان معها في سكشنها وكانت بتقعد تقول إن الولاد عندها ف السكشن اشطر من البنات وكنا بتقعد نتريق ونضحك لحد ما حصل تعديل ف قوائم الأسماء وبقيت معاهم ف السكشن فعرفت بقى مين الشخص دا اللي كانت صاحبتي بتكلمني عنه ف ردة فعل لا اراديه مني إن لما حد يقعد يجيب في سيرة شخص معين مثلا او حاجه معينه وانا ماشوفتهاش قبل كدا يبقى عندي فضول اعرف عن الشخص أو الحاجه دي اكتر اللي هو من باب ايه اللي يخلي الناس تجيب في سيرتهم كدا كل شوية ايه المميز يعني فلما شوفت الولد دا كان من باب الفضول ببص له وأنا عندي مشكله كمان إن فيه ناس معينه بيلفتني نظة عنيهم وهو كان منهم ف هو اخد باله وفهم غلط فبدأت عادي أبين له إن نظراتي عادية مش زي ما انت فاهم لكن عكيت الدنيا اكتر وانا اساسا واحدة بتتكسف فلما بقى يبص لي اودي وشه الناحية التانية اقعد ابص على اي حاجه اعمل نفسي بكلم اي حد الفكرة بقى أنه طلع من العيال اللي بتحب تشوف نفسها وتكبر المواضيع ف حكى لأصحابه وانا عرفت كدا لما شوفت إن أصحابه كلهم بقى نظراتهم عليا فبقيت بتوتر اكتر وغصب عني ابص لهم عشان اشوف هم مركزين معايا وبيتكبموا عليا ولا لا فبيفهموا دا غلط اكتر ويقعدوا يضحكوا وساعات وهو بقى بيقعد يقلد الحركات اللي بعملها وانا قاعدة كنوع من أنواع أنه يخليني ابص له واقول بقى أنه شكله معجب عشان يعيش الدور اكتر قدام صحابه وانا للأسف واخده بالي تقريبا نص تركيزي رايح معاهم ومش مبسوطه عشان انا مش حابه إن اسمي يتذكر بينهم وبقيت بحس إن كل اللي في الكلية معانا وهو يعرفهم بيبصوا لي ويضحكوا فبقيت بتخنق والفكرة بقى كمان اني صاحبتي دي كانت مكلماني قبل كدا على واحد قبله ف انا شوفته مرة بيقدم برزينتيش فكنت مركزة معاه بردو بس والله العظيم وقتها كنت عاوزة اعرف هو ازاي واحنا لسه في سنة تانية وبيعرف يتكلم قدام الناس وواثق من نفسه هو مين اصلا وازاي وصل للمكان اللي هو فيه دا فهو بردو لاحظ اني مركزة معاه  وبدأ هو كمان يركز بعد كدا معايا في الكلية وكل ما يشوفني يبص ويبتسم ف أنا في الأول كنت بضحك الصراحه وواخده الموضوع هزار ما هو كدا كدا مش معايا في السكشن لحد ما انتقلت معاه وعرفت إنه صاحب الواد الأول وتقريبا كدا حكوا لبعض وكل واحد قال التاني اني ببص له وبقوا مؤخرا هم الاتنين يختاروا الأماكن عشان يبقوا قاعدين في قصادي ويفضلوا مركزين معايا ويقلدوا حركاتي ويقعدوا يضحكوا واصاحبهم يضحكوا وانا قاعدة متوترة ومش عاوزة عيني تجي في عينيهم بس غصب عني من توتري بركز معاهم ومع أصحابهم وببقى مكسوفه وخايفه وياترى بيفكروا فيا ازاي هم مش بيتكسفوا لكن أنا بتكسف اتصرف ازاي واعمل ايه لأني تفكري حاليا معاهم وخايفه ومش عارفه اشوف حياتي ولا دراستي وبقيت بكره اروح الكلية الموضوع كان في الأول مضحك وكنت ببصلهم وبضحك في نفسي بس الموضوع زاد عن الحد بطريقه مش حلوه للأسف انا عارفه إني طولت لكن والله دا مايمثلش حاجه من اللي بعيشه من توتر ومواقف محرجه كل يوم بسببهم نفسي بس اثبت لهم العكس أو على الأقل ما افكرش واتجاهلهم بس ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_12017

منذ سنة واحدة

شعور Not great 😕

مش متخيلة إن انا اللي كنت بذاكر ١٠ و١٢ ساعة ف ثانوية عامة بقيت ف جامعة ومش عارفة ابعد اذاكر ساعتين ع بعض

التجربة أفضل عبر التطبيق

حمّل تطبيق توهيل على هاتفك لتجربة أسرع